轉會

每年這個時候半島酒店的Sales都會致電給公司客戶關於該年的月餅promotion，已收到今年的promotion。但……說真的由九龍酒店轉至半島，奶皇月餅都已經吃了差不多十年實在有點悶，而且半島迷你月餅只有黃蓮蓉沒有白蓮蓉，$5xx或$9xx的有白蓮蓉月但太多月餅總吃不完便已過期。

上年公司生意伙伴送來國金軒的雙黃白蓮蓉月餅味道挺不錯，酥皮鬆柔，白蓮蓉幼滑不會過甜亦不膩，靚蛋黃多油又甘香，今年心思思想又轉會添 ;-)！ 但印象中，香宮的迷你黑松露菌奶皇併迷你燕窩月餅特別之餘亦幾好味。不過貴左少少，索價HK$388/1盒(6個)。

Check番上年的價格原來國金軒也不算太貴，但味道只得雙黃白蓮蓉月餅及迷你奶皇月餅，奶黃會唔會好食過半島呢？見到四季酒店的龍景軒有3種味道，分別有﹕雙黃白蓮蓉月餅、酥香松子奶黃月餅及皮蛋酸薑蓮蓉月餅，而且價格不自太貴。皮蛋酸薑可能嫲嫲會鐘意喎，到底要訂哪一間呢？再諗諗先，今年仲有另一個目標，想買番豬仔餅。

記得小時候每年媽媽買月餅時總會買每人一個豬仔餅，已經好多年無食過了，好懷念！懷念的不是味道，是兒時的回憶。我們總拿著豬籠及豬仔餅不停的玩(其實個豬仔餅可能已經被玩到唔食得)，中秋節當晚吃完月餅才吃豬仔餅。與紅雞蛋一樣，沒有了才會懷念、珍惜。要不然，也不會每年生日也堅持要自制紅雞蛋(因為現在媽媽都不弄了)。