是日晚餐﹕豆豉辣椒醬炒蟹

下大雨故沒出街，窩在家裡看書。5時許停雨，才去買菜。

魚販越揀越多(因不懂選請魚販代勞，唉！)，結果差不多買了2斤奄仔，應該吃不掉呢…冏！原打算薑蔥炒蟹，後來發現家中沒有蔥…冏…於是變陣，用李錦記的貴州豆豉辣椒醬炒蟹。

全部都係蟹乸，都幾多膏架！對面只拍到半碟的是涼瓜牛肉。

炒蟹的做法﹕
1) 燒熱鑊，下油，油滾了爆香2片薑片及蒜頭2粒。
2) 將蟹落鑊，下1茶匙鹽及少許花雕酒，大火炒至蟹肉開始變白色。
3) 下少許水，蓋上鑊蓋焗2-3分鐘，熄火。
4) 拿起鑊蓋，下貴州豆豉辣椒醬，利用鑊的餘温再炒幾炒。
5) 蓋上鑊蓋焗30秒左右，讓蟹更入味，之後便可上菜。

雖然係好味，好鮮甜，但2個菜的份量都太多了...便造飯盒明天帶回公司吃。