分享

這一年來有一個普遍的現象，每有新同事返工，新同事上班第一天總會四周問舊同事職位、薪酬、學歷及感情狀況。當然好少有人會問我，被訪問的舊同事一般都是較為年輕的(咁既係幾年輕? um umm,25歲以下囉)。



『你人工幾多錢? 你人工實高我地啦! 高過我地唔怕講喎!』
『你知道後，可以點幫到你?』
『分享下，唔緊要啦!』
分享? 包唔包括你份糧? 咁你戶口的錢我係咪都可以分享?


但這些分享到底有何意義? 分享經驗、心得、心路歷程可使一些從未做過相關項背或沒有相關經驗的人從中得到一些有用的資料，有所得著。分享薪金後，會否一併分享銀行內的存款? (即使分享銀行存款，也要存款比人家少才有好處。) 若不，所有也只是一些數字而已，分享來幹嗎? 我又不是政府的問責高官，無責任向你披露薪酬、福利或其他個人資料。難道我的感情狀況係單身、in relation with somebody、已婚或complicate 會影響你的工作能力? 如果唔係，真的想不到任何一個理由要在你返工第一日便讓你知道關於我的事情。而且一個第一日返工的人應該關心自己的工作多過同事的私事，完全不能解構這些年青人的思維模式。

習慣使用「面書」的人不但喜歡與別人分享自己身邊的一切，還有喜歡強迫別人與他們分享。不分享便覺得你非我族類，是自私的一群。這兩者根本沒有任何關係，美酒徍餚、經驗、心得、想法見解就話可以與人分享啫，薪酬、加薪幅度、福利這些根本從來就不能向其他同事公開，良性競爭可導致工作進步; 但惡性比較可導致公司的管治危機。


而且由始至終，鄙人都只認為這些美其名『分享』說穿了只是『八掛』!!!