愛你變成害死你

有時我真係唔明，只係加幾佰蚊就符合最低工資的法例，點解各大商家、財團同so called 管理層的人好似割左你塊肉咁? 清潔亞姨、看更伯伯及工人，所有人都有付出，又唔係偷唔係搶!!! 而且諗深一層, 如果無亞姨清潔，廁所可能一陣異味、到處垃圾，所謂管理層係咪又可以安心工作? 還是會佢地自己去清潔? 每人的工作崗位唔同，但都一樣咁重要!

假設一位獨居的人士，如果以每日工作9小時、每月工作26日(4天休息日)來計算，最低工資大慨為月薪HK$7000。供養父母$1000、租金$2500、伙食費$2100($70x30日)、電話費$100、車費$500、雜費$300，合計HK$6000。餘下的HK$1000用來儲蓄、置衣購物或娛樂等可自由分配，敞若遇上一個月內有2-3位朋友結婚真係窮過洪七公 (超難過的說! 雙春兼潤月真係要轉電話先過到年)。千祈唔好生病，睇醫生的最低消費$180有3日藥。仲要上述租金等數據係估計而已，若稍稍超標又會減少可動用資金。然後賺取這應得及緊夠生活的薪酬，還要飽受歧視!

我不懂經濟學說，亦不懂計算最底工資對勞動市埸、生產力及GDP的影響，說到底，我只知這已經立了法而且在百物騰貴的香港，這些生活費可說是足襟見肘。鄙人覺得作為一個管理層，負責是平行勞資雙方的利益、磨合分歧以達到雙贏的局面。而不是一面倒偏向資方，不負責任的說: 『勞資雙方天生就是對立!』。加深分歧、制造恐慌，惟恐天下不亂!

加上政府的態度曖昧不定、言詞閃躲，亦似有為大商家護航之意! 經連日鑽研《勞工處推出的最底工資指引》分明教商家走法例的灰色地帶，總之只要每日1小時的午膳時間及休息日是無薪的話，工人仍然被剝削，隨時因加得減。而口口聲聲為勞工爭取權益的尊貴的議員們參與立法時，未有與勞工處未深思熟慮，考慮清楚月薪打工仔的處境便草草施行，工資最終可能因加得減!

愛你變成害死你!