『高清』電視

星期二晚的新聞報導內，報導關於數碼廣播時有位仁兄的言論極之出位! 他說數碼廣播之所以未能普及其中一個原因是: 很多家庭主婦及老人家都不著重畫面的質數，只要有影像即可，故他們到現時為止仍未更換新電視或加裝機頂盒以配合數碼廣播。該位仁兄認為政府應該提供津貼給老人家更換數碼電視，以使數碼電視得以遍及並可配合2012年標清電視停播。

呢位仁兄係咪諗多左? 政府推出高清廣播時就已講明，若果2012年高清仍未普及則會延長標清廣播。相對衣食住行來說，電視說不上必需品，有部份清貧的長者甚至因為要節省電費長年不看電視。標清、高清根本對他們影響不大，咁請問推出津貼支助長者更換電視是否一個極之無聊的政策?

早前氣溫只有攝氏10度時，新聞訪問中的長者穿7件又重又厚的衣物，但醫生說長者穿太多太重的衣物會對身體做成負擔。婆婆連屋頂的洞也沒錢修理，怎有錢買又輕又保暖的新衣呢? 相比換電視津貼，我覺得政府更加應該提供津貼給長者購買輕身又保暖的衣物! 而唔係俾錢利誘人，然後叫人地再拎錢去買部新電視以配合你的廣播政策呀!!!




係高清廣播下，鄙人看到一個面目可憎的官僚在污染我的眼睛!!! 真係每一個細微的表情都睇得好清楚。